रंग स्वप्नांच्या गंधाचा...

छंद माझा येऊनी स्वप्नात 

आलिंगन मला अलगद देतो 

रंग माझा दिव्यात वेगळा 

मला स्वतःत काहीसा गुंतवतो 

ध्येयवेडे जग माझ्या लेखणीचे 

लावते श्वासरुपी लळा मजला 

रंग माझा शब्दांचा वेगळा 

रम्य निजवतो छंदात मजला 

डगमगत्या तीरावरती गाठूनी 

पडता पडता हिंमतीने सावरतो 

रंग माझा धैर्याचा असा वेगळा 

स्वप्नात मला स्पर्शून वेडा जातो 

आनंदाचे क्षण मनसोक्त उधळूनी 

जीवनाचे उद्दिष्ट रंगीन खुलवतो 

रंग माझा स्वप्रेमाचा आगळा वेगळा 

स्वतःसाठी जगण्याचा गंध दावतो