रक्षा बंधन

रूसून बसली बहिणाबाई ,

अबोला तिचा काही संपत नाही ....

सुनी भाऊरायाची कलाई ,

ओवाळणीला कोणी वालीच नाही !!

      खोडी काढून मला रडवतो ,

      तुझ्याशी कधी बोलणार नाही ...

      माहित आहे मला दादुल्या ,

      राखी तुला कोणीच बांधणार नाही !!

लाडी गोडी जरा लावली ,

बहिणाबाईंची कळी खुलली ...

राखी बांधून भाऊरायाची ,

पुन्हा भांडाभांडी चालू झाली !!

      सण हा बहीण भावाचा ,

      भांडून ही व्यक्त होतो जिव्हाळा ...

      धागा राखीच्या बंधनाचा ,

      आजन्म रक्षणाच्या वचनाचा !!