श्रावण आला .
श्रावण आला .
घन निळा हा नभी दाटला ,
रिमझीम बरसल्या श्रावणधारा ,
गंधाळला हा कुंद कुंद वारा ,
ओथंबून हा श्रावण आला .... !!१!!
मोर नाचला फुलवून पिसारा ,
ओसंडून वाहती शुभ्र जलधारा ,
निसर्गात हिरवा साज बहरला ,
इंद्रधनूचा अलौकिक नजारा ... !!२!!
श्रावणात पूज्य शिवआराधना ,
अष्टमीला भरतो गोपाळकाला ,
झिम्मा फुगडीचा खेळ पंचमीला ,
घागरी फुंकती मंगळागौरीला ... !!३!!
व्रत वैकल्ये घेवून आला ,
रूढी परंपरा जपण्यास आला ,
सण समारंभाची वर्दी घेवून ,
श्रावणाचा हा दुत आला ... !!४!!
निसर्गाला खुलवित आला ,
कविमनाला भुलवित आला ,
चोहीकडे चैतन्य पसरवण्या ,
मनभावन हा श्रावण आला !! !! ५ !!