साद निसर्गाची

मावळतीचे रंग सोनेरी ,

अलवार पसरले आकाशी !

रवीरूप मनोहर क्षितिजाशी ,

 ढगांवर उधळण रंगांची !!

         

      नभातला हा अलौकिक नजारा..

      ढगाआड हळूच भास्कर लपला ,

      लपंडाव किरणांचा रंगला ....

      हरखून पहावा अनोखा सोहळा !!

         

 तोच उदय अन अस्तही तोच ,

 तीच धरा रविकिरणही तोच ...

 नयनरम्य तो खेळ पाहण्या ..

 भुरळ मनाला पाडतो रोज !!

       हिरवाईने धरा ही सजते ,

       लेवून फुलांची फुलवारी ...

       डोळ्यांचे ही फिटते पारणे,

       पाहून निसर्गाची नवलाई !!