Library
माझा भारत महान
माझा भारत महान
उंच उंच लहरतो तिरंगा ,
वंदन त्याला त्रिवार आहे !
स्वतंत्र देशा ,भारत देशा ,
तू भारतीयांची शान आहे !!
इथे नांदल्या असंख्य भाषा ,
सर्वधर्म समभाव आहे !
हिंदू मुस्लिम शिख ईसाई ,
विविधतेने देश नटला आहे !!
इथे तळपली तलवार शिवबाची ,
झाशीने बलिदान दिले ,
क्रांतिवीर ही फाशी गेले !
हा रक्त रंजीत इतिहास आहे !!
आयुष्य वाहिले शुर वीरांनी ,
माथी रक्ताचा टिळा आहे !
सुवर्णाक्षरात नाव कोरूनी ,
देशभक्त अजरामर आहे !!
शूर विरांची गाथा मोठी ,
प्रत्येकाच्या हृदयात आहे !
इथे वाहतो मनामनामध्ये ,
देशप्रेमाचा वेडा ध्यास आहे !!
विविधतेने नटलेली ही ,
धरणी सुजलाम सुफलाम आहे !
स्वतंत्र देशात आज सुखाने ,
हा देशवासी नांदतो आहे !!
नागरिक मी या देशाचा ,
हा सार्थ अभिमान आहे !
वंदन करतो भुमातेला ,
माझा भारत महान आहे !!
!! वंदे मातरम् !!
