राजमाता जिजाऊ

मराठ्यांची तू माऊली

स्वाभिमान तुझा बाणा

महाराष्ट्र निर्मीतीचा

जिजाऊचे कष्ट जाणा ||१||

लेक लाडकी जिजाऊ

जाधवांचे कन्यारत्न

भोसल्यांची झाली सून

मनी राज्याचा प्रयत्न ||२||

कर्तृत्वाची शूर गाथा

जिजांऊचे आचरण

स्वराज्याची असे ढाल

प्रेरणांचे उच्चारण ||३|

जिजामाता असे शूर

घडविला पुत्र थोर

गाऊ किती गुणगान

नसे जीवनाला घोर||४||

पराक्रमी शिवबाची

राजमाता तू जिजाऊ

शिकवून राजनिती

शिवबांची झाली आऊ||५||

माँसाहेब शिवराया

स्वराज्याचा मंत्र देती

यश,किर्ती ती उज्वल

स्वप्न साकारून येती ||६||