सावित्रीची लेक तू

आजच्या प्रत्येक स्त्री मध्ये

 दडली आहे एक सावित्री

खोल अंतर्मनात बघ डोकावून

तुला ही याची होईल खात्री

जाणून घे , समजून घे

तुझ्याच मनातील सल

ढवळून बघ एकदा

तुझ्याच मनाचा तळ

अस्तित्व तुझे तुला

तिथे नक्कीच सापडेल

तेव्हा येथे पुन्हा पुन्हा

एक नव्याने सावित्री घडेल

शोध त्या सावित्रीचा

तुझा तुलाच घ्यावा लागेल

आठवून बघ तिला एकदा

तुझ्यातली सावित्री नक्की जागेल

घडवुनी नवा इतिहास

चढ यशाचे शिखर

त्याच सावित्रीची लेक तू

चल आज हे सिध्द कर