वसा स्त्रीशक्तिचा

खचलेल्या वाटातुन मार्ग तुलाच शोधायचा

काटेरी संकटातूून तुलाच वळवायचा

        

अंधाराची भीती आता काढून टाक

कर्तुत्वाने तुझ्या तू प्रकाश पाडूूून दाव

गेले ते दिवस मागे रडत बसायचे

अबला बनून कोंडून कुडत रहायचे

पंखांंना तुझ्या स्वातंत्र्याचेे बळ दे

अपूर्ण स्वप्नांना उंच भरारी दे 

कला आहे अंगी एखादा उद्योग कर

खंबीरतेने तू सर्व व्यवहार कर 

 

कामावर तुझ्या ठाम विश्वास ठेव

तुझ्यापाशी वेळ आहे याचेे भान ठेव

टोमणे जगाचे तुला ऐकूू येतील

खेकड्या प्रमाणे पायही ओढतील

घोरपडीची पकड तुझी इतकी घट्ट कर

ओढणाऱ्यांंचे बघ तुटून पडतील कर 

स्वाभिमानाचेे शस्त्र तुझे घडव चारित्र्याने

मान झुकव हीनतेची नजरेच्या अंगाऱ्याने

हक्क तुला जगण्याचा क्षण प्रत्येक आनंदाचा

स्मरणात ठेव तुझ्या तू वसा स्त्रीशक्तीचा

स्मरणात ठेव तुझ्या तू वसा स्त्रीशक्तीचा......