आरास
आरास
काळोखातून प्रकाशमयी
पणत्यांची रांग लागावी
नैराश्यातून उजेडाकडे
लुकलुकणारी वाट दिसावी
शुद्ध विचारांची गाठभेट-
शुद्ध भावनांशी व्हावी
सकारात्मक प्रकाशाची
दूरवर लाट पसरावी
अंधारातून एक किरण तेवत
जीवनाला उजळत ठेवावी
लहरावी ,झुलावी ही दिवाळी
चमकताना प्रत्येकाच्या डोळ्यांतुनी दिसावी
हीच प्रार्थना एक रहावी
जगण्यासाठी श्रीमंती असावी
माणसांतल्या आपुलकीची,
प्रेमाची अन "माणुसकीची "