तीला काही सांगायचे

इतिहास आहे साक्ष

तिच्या कर्तृत्वाची गाथा

तीला काही सांगायचे

आज मनातील व्यथा

घ्यावा मोकळा श्वास मी

तिला वाटे पुन्हा पुन्हा

स्वतःसाठी जगणे हा

तर नाही मोठा गुन्हा

मग का ? तिच्या घालती

पायी बेडी बांधनांची

कधी केली जाते होळी

फक्त तिच्याच स्वप्नांची

पंख तिचे हे छाटले

उंच उडण्या आधीच

दुःख तिच्या काळजाचे

नाही कळले कधीच

उरी भावना घेऊन

मनी आजही झुरते

सल तिच्या मनातली

डोळ्यांतून पाझरते