ലൈബ്രറി
പ്രൊഫൈൽ
साद घालते काळीज माझे
साद घालते काळीज माझे
1 min
195
पुन्हा एकदा त्याच वळणावर
तुझी अन् माझी भेट घडावी
शब्द सारे अबोल व्हावेत
फक्त नजरेला नजर भिडावी
पुन्हा एकदा पाहून डोळ्यांत
निःशब्द होऊन तू बुडून जावे
विसरुनी मग हे जग सारे
फक्त मला नि मलाच पहावे
पुन्हा एकदा घेऊन हात हाती
जुन्या वचनाची करावी आठवण
वाटते पुन्हा एकदा नव्याने जगावे
सोबतीचे ते आठवणीतले क्षण
पुन्हा एकदा तुझ्या मिठीत
अंग अंग हे शहारून जावे
हरवलेले प्रेमाचे सूर
पुन्हा एकदा जुळून यावे
साद घालते काळीज माझे
पुन्हा एकदा आज तुला
तुझ्याविना मी असे अधुरी
तू समजून घे रे प्रीत फुला
माझ्यासाठी पुन्हा एकदा
मृत्यूलाही तू हरवून यावे
अधुरे प्रेम तुझे अन् माझे
आज सख्या रे पूर्ण व्हावे
