निसर्ग
निसर्ग
1 min
171
निळसर वर आकाश
शुभ्र मेघ नक्षीदार
सुंदर दिसे नजराणा
कोण याचा शिल्पकार?
डोंगराची दिसे रांग
दूरवर दिसे क्षितीज
धवल दिसता पर्वत
हिरवाईचे लावू बीज
डोंगराच्या उंचावरून
वाहती पाण्याचे पाट
सुंदर दिसतो देखावा
डोंगर,दऱ्या नी हा घाट
हिरवागार नेसुन शालू
वसुंधरा सुंदर सजली
लाल फुलांची ती नक्षी
नखशिखांत भिजली
निसर्गाचा सुंदर नजारा
साठवून ठेवू मनोमनी
रक्षण करूनी सारेजण
उपभोग घेऊ क्षणोक्षणी