माणूस

साऱ्यांचाच जन्म

आईच्या गर्भातून होतो

नऊ महिने नऊ दिवस

माणसाला तयार व्हायला लागतो

देहाला अवयव साऱ्यांच्या

सारखेच असतात

तरीही मानसांमानसांत

का बर भेद दिसतात

निसर्गात रंग विविध असले तरीही

सारेच सुंदर आणि मोहक असतात

आपापल्या अस्थित्वाने सारेच

फुललेले असतात

पृथ्वीवरील उपवनात

सारीच तिची लेकरं असतात

तिच्या मनात कधीच कसले

भेदभाव नसतात

धर्म, जाती पाश सारे

अर्थहीन हे खेळ असतात

निसर्गात मानवाला कसलेच

वेगळे भेद नसतात

तु ही माणूस...मीही माणूस

हीच साऱ्यांची खरी ओळख आहे

 मनात तुझ्या जात असली तरीही

तु आणि मी माणूसच आहे