_प्रेमझरा

प्रेमझरा

तुला बघूनि भान हरपले

तुचं वाटला कृष्ण खरा

हृदयातही नवनीत भरले

वाहू लागला प्रेमझरा..

श्वासा वरती भावं उमटले

क्षणात लागला तुझा लळां

तुझ्यासाठी झोका बनले

जागे केली वसुंधरा..

मला बघता खुदकंन हसला

अवखळ भासली प्रेम त-हा

तुझ्यांच भाळी शोभून दिसला

पोर्णिमेचा तो चंद्र खरा..

स्पर्श रेशमी अवीट होता

गाली फुलल्या पुष्पं कळां

वात्सल्याने स्तनं चाटता

चंदन झाली अवघी जरा..

चोळी वरती नक्षी उमटली

लोचनी रंगल्या प्रित कडा

रजनी संगे मायं झोपली

मुखी उलटूनी दूधं घडा..