प्रदर्शन

ज्येष्ठ पौर्णिमेला असतो

वडाचा पाहण्यासारखा "लूक" ;

पुढच्या सात जन्मासाठी

नवरोबा होतात " बुक" .

दरवर्षी पौर्णिमेला वडाभोवती

बायकांचा घोळका असतो ;

मनातून सांगावे, किती बायकांना

नवऱ्याचा पुळका असतो ?

पौर्णिमेच्या वडपूजेला सर्वत्र

बेगडेपणाची "पॉलिश" ;

साता जन्मासाठी तोच

नवरा मागणे हा प्रकारच "बालिश" .

कुणी ठेवतात तर कुणी

ठेवत नाही विश्वास ;

वड न पूजणाऱ्या बायकांचे

नवरे घेतात मोकळा श्वास .

नवऱ्यालाही आवडीनिवडी असतात

याचे बायकांना असावे भान ;

"मागणी तसा पुरवठ्याचे "

गाऊ नये वडाभोवती गान .

श्रद्धा किती अंधश्रद्धा किती

ह्या डोळसपणे पहाव्यात ;

नुसते प्रदर्शन होईल

अशा गोष्टी टाळाव्यात.

साता जन्माचे कनेक्शन

पाहून वडही थक्क आहे ;

आपल्या वैचारिक सबलतेने

त्यास मनातून दुःख आहे.