पंढरीची वारी
पंढरीची वारी
आली आषाढी एकादशीचा
ले वाटे पंढरीची वारी
खांद्यावर विठूची पालखी
दिंडीपताका घेती नरनारी
पंढरीचा राणा हरीपांडुरंग
नाचू धरू फेर घालू रिंगण
कीर्तनकारांची झाली गर्दी
पंढरीचे भरूनी गेले अंगण
चंद्रभागेच्या या तीरावरती
वारकऱ्यांची ही मांदियाळी
कुणी वाजवती मृदंग वीणा
वाजवे कुणी हाताची टाळी
जाऊ पंढरीला करू दर्शना
कर कटेवरी उभा विठुराया
निवूनि गेलेत डोळे नि मन
अर्पुनी सर्वस्व आणि काया
वरदहस्त विठूरुक्माईचा
राहतो भक्तांच्या डोईवरी
भोळा देव दीनधनिकांचा
जाई धावूनी भक्तां घरी