पंढरीची वारी

कौतुक जगी तयांना नवल

महिमा अगाध माझ्या विठूचा

वारी आषाढ कार्तिक एकादशीची

नभांत गुंजतो गजर हरिनामाचा ||

चंद्रभागेच्या तीरी भक्तांचा मेळा

विठ्ठल विठ्ठल मृदुंग वदला

गळा टाळ वीणा वारकरी

पावलीचा खेळ भान हरवला ||

जपनाम राम कृष्ण हरी

शमली भूक माया संसाराची

लळा जडे विठू माऊलीचा

नजरेला आस धूळ पावलांची ||

आळंदी देहू शेगावीचा राणा

नित्य दिंडी पायी भेटायला

पांग फेडाया सार जीवनाचे

दिव्य शोभे रिंगण माला ||

युगे अठ्ठाविस तप विठ्ठलाचे

पुंडलिकाच्या भेटीस वाट सदैव

नामदेव चोखा मीरा जनाबाईचे

विठ्ठल नामी रमले नित्यभाव||....