पळस
पळस
पाने हिरवीगार पळसाची
एकटी कधी वाढत नसतात
मानवाला संदेश देतात एकीचा
पळसाला पाने तीनच असतात
हेवा वाटतो रे मला तुझा
तुझ्या फुलांचही तसच असत
लालभडक फुलांचे गुच्छच दिसतात
रूसलेलं एकट फुलं नाही दिसत
शिशिरात तुझी पाने गळतात
शेंडे फुलांनी मात्र लखडतात
वसंत ऋतूच्या आगमनाने
पुन्हा पाने नव्याने येतात
कितीतरी पंगती तृप्त होतात
तुझ्या पानांच्या द्रोण अन् पत्रावळीवर
किती पिढ्यांचे आशीर्वाद आहेत
आजही तुझ्या पानाबरोबर
लग्न मुंजीच्या वेळी पळसाची
डहाळी लागते शुभकार्याला
अौषधी म्हणूनही वापर तुझा
काष्ठे ,समिधा म्हणून यज्ञाला
वनी डोंगरी वास्तव्य तुझे
कठीण परिस्थितीत वाढतोस
काष्ठे ,पाने आपले अवयव सारे
मुक्तपणे वाटत राहतोस.
देशील का लालेलाल फुलांची
लाली नववधूच्या ऒठाला
निघणार नाही आजन्म ती
खुलवेल तिच्या सौंदर्याला