रंगात रंगुनी जाऊ

सण असे हा रंगाचा

सप्त रंग मिळूनी सारे

रंग असे हा प्रेमाचा

स्नेहभरे करू साजरा रे 

रंगात नाहली राधा

कृष्ण सखयाची पिचकारी

गोपीसवे रंग खेळे मुरारी 

नाहुनी निघाली गोकुळ नगरी

रंगाने चेहरे बदलती

अंतरंग एकच असती

जो रंग असतो ज्याचा

स्वभावही तसेच असती

रंग असावे नैसर्गिक

नितळ होईल काया सतेज

कृत्रीम नको हानीकारक 

निवळेल तनुचे तेज

रंग प्रेमाचे तसेच द्वेषाचे

रंग मतभेदांचे रंग ऐक्याचे

रंग सरड्याप्रमाणे बदलतात

विश्वासघाती माणसांचे