लाइब्रेरी
प्रोफाइल
मी शाळेत कसं यायचं
मी शाळेत कसं यायचं
कधी इथं कधी तिथं
रोज बापासंग काम करायचं
रोज विडी काडी पुरतं
बापाला पैसे द्यायचं
सांगा गुरुजी मी शाळेत कसे यायचं
रस्त्यावर डोंबाऱ्याचा खेळ करताना
जीव टांगणीवर ठेवून कसरत करायचं
बाप ढोल वाजवतो माय गोळा करते पैका
मग तारेवरुन कोण चालायचं
सांगा गुरुजी मी शाळेत कसे यायचं
वीटभट्टीवर कामाला गेलं की
बापानं ईटा बनवायचं
चिकूल बनवायला मायला
पाणी कोण द्यायचं
सांगा गुरुजी मी शाळेतं कस यायचं
ऊसतोड मजुरांची पाल
रोज वेगळ्या शिवारात जाते
तिथे घर थाटताना
सामान कोण लावायचं
सांगा गुरुजी मी साळतं कसं यायचं
उसाच्या मोळ्या बांधते माय
बापानं गाडी भरायचं
गाडी उलाल होताना
टेकन कोण लावायचं
सांगा गुरुजी मी शाळेत कसं यायचं
माय पेटवून चुल्हा
भाकर भाजते तव्यावर
माल टाकून झिंगणाऱ्या बा ला
घरी कोण आणायचं
सांगा गुरुजी मी शाळेत कसं यायचं
मायनं बापाशिवाय आम्हाला
जेवायला नाही द्यायचं
बाप नावाच्या जनावराला
दारूच्या नशेत ओढून कोण आणायचं
सांगा गुरुजी शाळेत कसं यायचं
गुरुजी मला सपन पडायचं
सुटाबुटात शाळेत यायचं
बर माझ्याशिवाय माय बापानं
सांगा कसं जगायचं
सांगा गुरुजी मी शाळेतं कस यायचं
कधीमधी मी मित्राला भेटायला जायचं
पैसा नोकरी सारे होते त्याच्या मायबापाकडे
दोघांचं दिवसातून कितीदाही भांडण व्हायचं
माय बापाने लेकराला कधी समजून घ्यायच
