पहिला पाऊस

माझ्या मनातला हा पाऊस

आला बघा प्रेम उधळीत 

आलं वृक्षाला नवचैतन्य

बहरुन आली ही जोमात

 माती पसरत जाते सुगंध 

 पानालाही येते संजीवनी

बहरून जातो जीव सारे

क्षण सुखाचा येते जीवनी

 फुटतोय जीव प्रत्येकाला

जसा फुलतो वृक्ष डौलाने

ऋतू देऊन जातो संदेश

जगू हे आयुष्य आनंदाने

देतो संदेश पाऊस आपणास

गेले ते सगळं जा विसरून

सुरुवात करू चला नव्याने

घालू दुःखालाच पांघरून

शिकवितो निसर्ग आम्हास

आम्ही असतोय बदलत

तुम्ही घ्या बदलून स्वतःला

नवं आयुष्य जगा हसत