Library
Profile
नववधूची कांकणे
नववधूची कांकणे
1 min
183
प्रेमिकांच्या एकांतात
शृंगारचेष्टिते नाना
सावरता कांकणास
किणकिण येई काना
कांकणाची किणकिण
सुमधूर नादमयी
कशी होई अवचित
तिच्या नच ध्यानी मनी
नववधू लाजतसे
किणकिण कंकणांची
शब्दाविना सांगतसे
गोड गुपिते मनाची
लाभे प्रेमाचा स्वर्ग
कसा साहू प्रेमभार
नवनव्या शृंगारात
प्रिया लाजूनच चूर
भाव अंतर्मनातले
कसे सांगावे प्रियाला?
कांकणाची किणकिण
सुखविते भर्ताराला
