नवे गाव

क्षितिजाच्या पलिकडे असेलच 

नक्कीच कुठेतरी आदर्श नवे गाव |

कदाचित कुणाला नसेल ठाऊक

काय असेल त्याचे ते नाव? | |१| |

स्वप्नात नेहमी येते माझ्या सुंदर

निसर्ग सौंदर्याने नटलेले गाव |

वाटतं प्रत्यक्षात जावे ते पाहायला

घेते हृदयाचा माझ्या जे ठाव | |२| |

असेल ते नक्कीच खूप आदर्शवत 

देईल सर्वांनाच मनापासून भाव |

नसेल तेथे भेदाभेद जातीधर्मांचा

असतील सर्व समान रंक वा राव | |३| |

सर्व असतील समाधानी निरोगी

तेथे नसेल दु:ख व चिंतांना वाव |

सांगा बरं कोणाला का आवडणार

नाही असलं नयनरम्य नवे गाव? | |४| |