लाइब्रेरी
प्रोफाइल
नशिबात मजुरांच्या
नशिबात मजुरांच्या
1 min
185
नशिबात मजुरांच्या
आली कोठून गरीबी
सुख समृद्धीचे दिस
नाही लिहिले नशिबी
डोई सूर्य नारायण
आग ओकतो, तापतो
लक्षुमीच्या सोबतीने
नारायण का राबतो
माळ रानाची जमीन
बाप मुरूम खणतो
मागे माती भरतांना
जीव मायचा शिणतो
इवल्याशा पोटासाठी
सारा आटापिटा चाले
काम उन्हात करता
हाल लेकराचे झाले
माळरानी गवतात
बाभळीच्या सावलीत
तान्हं लेकरू झोपलं
काळ्या आईच्या कुशीत
