निवडुंग

वाळवंटी उन्हामध्ये 

आहे उभा निवडुंग 

जगण्याच्या लढाईत 

चढवितो सारे रंग ||१||

अंगावर काटे माझ्या 

बोचण्याची आस नाही 

पाण्याविना राहण्याचा 

मला मुळी ध्यास नाही ||२||

लाल नाजूक फुलांचा 

 आहे मीच थोर धनी 

एकटाच उगवतो 

ओसाड या माळरानी ||३||

नाही जिद्द सोडलेली 

 हिमतीने मी पाहतो 

माझ्या आसऱ्याला येता 

अभयाचे दान देतो ||४||

किती घातले कुंपण 

 तुच्छतेने का पाहता 

रक्षणास उभा इथे 

तेव्हा सुखाने राहता ||५||