निसटती वेळ
निसटती वेळ
आयुष्याच्या परीक्षेतून
क्षणं क्षण महत्त्वाचा होता,
निसटती वेळ हातातून
जीव वाचवण्याच्या प्रयत्नात होता.
एक एक घटका मोजीत
मरणाच्या उंबरठ्यावर,
आठवी सारे सुखी क्षण
आठवणींच्या मंचावर.
राहून गेले सगळे
आजवर न कधी उपभोगले,
वेळ निघून गेल्यावर
खंत मनास लागते.
कसे थांबवू वेळेस
जगण्याची आस वाढते,
गेलेली वेळ येणार नाही
काळ पुढे बोलावते.
समजून वेळेचे महत्त्व
लिहा अनुभव आनंदाचे,
निसटती वेळ येईल पुन्हा
वाढवा बळ आत्मविश्वासाने.