सांगा
सांगा
एकटे असे जीवन,
सांगा कसे जगायचे ?
छोट्याशा जीवाचे धडधडणे,
सांगा कसे थांबवायचे ?
हजारोंच्या नजरा रोखतात,
सांगा कसे भिडायचे ?
बोट त्यांचे आपल्यावर,
कसे त्यांना सांगायचे ?
त्यांच्या खोचट प्रश्नांवर,
कसे उत्तर द्यायचे ?
असा हा भयानक एकांत,
कसे एकटे राहायचे ?
विचारांच्या कल्लोळाला,
सांगा कसे आडवायचे ?
दुखी मन आनंदी चेहरा ,
कसे दुनियेला दाखवायचे ?
शब्द ओठावर आल्यावरती,
सांगा कसे लपवायचे ?
उसळत्या भावनांना ,
सांगा कसे दाबायाचे ?
एकटे एकटे जिवन नको ,
मनाला कसे समजवायचे ?
रडणाऱ्या डोळ्यांचे अश्रू,
सांगा कसे पुसायचे ?
हळूच वाहणाऱ्या मनाला ,
सांगा कसे अडवायचे ?
एवढ्या मोठ्या विश्वात ,
कोणाला बरोबर घ्यायचे ?
मनातल्या भावनांना ,
कोणासमोर उघडायचे ?
नाजुकशा त्या मनाला ,
सांगा कसे फुलवायचे ?
खडतर असे आयुष्य,
सांगा कसे उपभोगायचे ?