निसटलेले क्षण

विवाहाच्या पवित्र बंधनी

घेतलेली सात वचने दोघांनी

संसाराचा गाडा हाकला

एकमेकांच्या संगतीनी

घरदार मुलं संसार नातीगोती

निभावून नेल्या जबाबदाऱ्या

मुलाबाळांचे हट्ट पुरवण्यात

मानली धन्यता मागण्या पुरवण्यात साऱ्या

चिमणपाखरांना फुटले पंख

गेली सहजपणे भुर्रकन उडून

आपण आपलं जीवन जगूया

का जावे उगीचच कोलमडून

आपणही थोडं मनासारखं वागू

देऊ एकमेकांना आधार

निसटलेले क्षण सारे नव्यानं जगू

देऊ या मनातल्या कल्पनांना आकार.

💠💠💠💠💠💠💠💠💠💠