निराशा

ती होतीच म्हणा तशी सुंदर , सडपातळ,

उंच , गोरीपान , कुरळे केस व चतुर ,

लग्नाच्या वयाची , व लग्न करण्यास इच्छुक, 

मनात आणि डोळ्यात स्वप्न ठेवून वावरणारी

कुणाची उंची कमी तर कोणाचा पगार , 

कुणी मुलगा काही पसंत पडेना तिला 

एके दिवशी अचानक एका उंचपुऱ्या , तेजस्वी 

तरुणावर तिची नजर पडली , ती आनंदली,

बेंगलोर हून आला होता कोणी पाहुणा शेजारी ,

दोघांची नजर मिळाली , ओळख झाली , 

हळूहळू ओळख आता मैत्रीत बदलली ,

तोही होता अविवाहित आणि लग्नासाठी इच्छुक, 

आवडी - निवडी , अनेक विषयांवर चर्चा ,

तिच्या सौंदर्याची स्तुती , मात्र घरच्यांपासून लपून ,

ती होती मराठी , तो होता कर्नाटकी , 

ती होती मात्र त्याच्यावर भाळली, 

मनात होती एक आशा बाळगून , 

त्यालाही ती आवडली असेलच ,

किंवा असेल त्याच्यासाठी फक्त खेळ 

दिवसामागून दिवस उलटले , 

तिला नवीन आशा , स्वप्न देवून गेले , 

त्यानेही तसा केला असेल काहीतरी खुलासा

घरी जाऊन सगळ्यांच्या संमतीने ,

कळवतो म्हणून लवकरच तुला 

असे म्हणून तिचा आत्मविश्वास वाढवून गेला , 

त्याने तिचा हसतहसत निरोप घेतला 

दोघांनी एकमेकांना फोन नंबर दिला , 

पाहुणा घरी पोहोचल्याचा निरोप तेवढा कळला, 

ती मनोमन खुश होती , त्याच्या होकाराची वाट पहात होती , 

नाही फोन , नाही मेसेज, ती मात्र हिरमुसली ,

कोणाला सांगू आणि कसं सांगू कळेना , 

एक दिवस हिम्मत करून फोन लावला ,

नुसतच औपचारिक संभाषण झालं, 

तिच्या मनात आता यायला लागली शंका

नुसती चिडचिड आणि मनाची घालमेल .

चिडून परत तिने फोन केला आणि 

समोरून तो म्हणाला , " लग्न ठरतंय माझं " 

आणि पुढे काही न बोलता , तिने फोन संपवला,

गालांवर अश्रू वाहू लागले , तिला धक्काच बसला ,

त्याच्यासाठी असेल फक्त एक ओळख , मैत्री 

पण तिच्या रोमारोमात तो वसला होता ,

किती स्वप्न पहिली होती तिने , किती आनंदी होती ती 

आणि तो पाहुणा एक निराशा देवून गेला , 

तिचा स्वप्नभंग करून गेला !