लाइब्रेरी
प्रोफाइल
नातीगोती
नातीगोती
1 min
584
डोकावून पाहिलं आज सहज अंतर्मनात
म्हटलं नात्यांचं गणित घेऊ जरा ध्यानात
आपलं कोण परकं कोण जरा हिशेब लावू
नात्यांची ही बेरीज जरा सोडवून तर पाहू!
नात्यांची बेरीज तर भली मोठी झाली
मोजदाद करतांना खरी तारांम्बळ उडाली
किती सारी नातीगोती आणि बरेच सखे सोबती
हिशेब लावताच मनाला तो हर्ष झाला किती!
म्हटलं पाहू यांची खरी आयुष्यातली भागीदारी
सुखात आणि दुःखात किती आपल्या सहभागी
सुखात जमले थोडेथोडके दुःखात वजाबाकी
प्रगतीच्या मार्गांवरले मोजले शून्य राहिली बाकी!
म्हटलं हीच का आयुष्यातली असतात खरी नाती
जेवढी दिसतात चकाकणारी तेवढ्याच सम वाती
पाहू जाता जितके नजीक अंतर भासे अधिक
दुरुनी डोंगर दिसें साजिरे जवळूनी फक्त क्षणिक!
