तू रुपसखे

यावी चिंब सरिंसारखी

अगदी अचानक अन अनपेक्षित

बिलगाव घ्यावं घट्ट मिठीत

अन हळुवार शिरावी कुशीत

मंद झुळूक वारा होऊन

स्पर्शून जावं तणाला

मोहरून टाकावं श्वासाने

फुलासारखं मनाला

मृदू मुलायम ओठांनी

चुंबून घ्यावी काया

उमटावी गाली गोड गुलाबी

रंगीत ओठांची छाया

असावे हे स्वप्न खरे

नसावा खट्याळ भास

रात्रंदिवस रुपसखे मज

जडे तुझाच ध्यास

होईल का हे स्वप्न खरे की

नुसताच वेडा भास?

होईल का पुरी या प्रेम दिलाची 

अल्लड वेडी आस?!!!