नानी
नानी
*ए नानी कुठं ग चालली?*
*सोनू मी चालले शाळेला*
*अग! शाळा तर बंद न नानी*!
*शाळा बंद पण पर्याय आहे न शिक्षणाला*
*शाळेत जाते फळ्यावर लिहिते*
*गणितं सोडवते, बेरीज मुलांना देते*
*तुझी ऑनलाईन शाळा तशीच माझीही*
*मी मुलांना गाणी ,गोष्टी पण सांगते*...
*अ अ अननस म्हणा मुलांनो अननस*
*आ आ आई म्हणा मुलांनो आई*
*तुझ्या बाई घेतात अभ्यास सोनू जसा*
*तसा मी माझ्या मुलांना देते अभ्यास बाई*....
*माझी मुलं छान अभ्यास करतात*
*रोजच बाईंकडून शाबासकी मिळवतात*
*तू करते का सोनू रोज अभ्यास?*
*मग अभ्यास केल्यावर तुला बाई काय देतात?*.....
*माझ्या बाई न मला स्टार देतात*
*तू काय देते ग नानी मुलांना तुझ्या*
*मी मुलांना चाॅकलेट देते ह सोनू बाळ*
*फार मायेची ग मुलं आहेत ही माझ्या*.....