माझ्या स्वप्नातली परी

स्वप्नांच्या दुनियेत भेटली एक परी

चमचमती जादूची छडी हातामध्ये धरी

सुंदर अशा परीचा सुंदर तो पोशाख

तिच्या त्या दुनियेत वेगळाच तिचा थाट

छडी फिरवून जे मागू ते ती देते

एवढी जादू तिला कशी बरं येते ??

सगळच कसे आहे तिथे डोळे दिपवणारे

खाऊ आणि खेळण्यांनी सतत रमवणारे

अभ्यासाला मिळते तिथे आम्हाला सुट्टी

पक्षी आणि फुलांशी जमली माझी गट्टी

दररोज स्वप्नात भेटायचा मी परी कडे केला हट्ट

प्रेमाने जवळ घेऊन तिने मला मारली मिठी घट्ट