मुलगी काळाची गरज

कन्या असे दुधावरची साय

होते कधी माझी माय,

चैतन्याचा अखंड झरा

तिच्याशिवाय घराला शोभा नाय...

काळजीत राही सदैव

मदतीसाठी तत्पर,

करुन अर्थाजन

सांभाळी आपले दप्तर...

तोंड देते धैर्याने

उभी रहाते पाठी,

हिंमत वाघावाणी

लढते भावासाठी...

आपुकीचा ती अतूट धागा

जोडी माहेर-सासराचे बंध,

शब्द सुमनांची करुन उधळण

पसरवी नात्यात सुगंध...

मुलगी काळाची गरज

वार्धक्याचा आधारवड,

वेलीवरची नाजूक कळी

अलवार तिची उलगड...