मुले...

मुले देवा घरची फुले,

अविरत खळखळणारे झरे

अखंड ऊर्जा संचारलेले तुरे,

दमुन भागुन रात्रीला डोळ्यावर झुले...

मुले ओठी निखळ हास्य बहरे ,

चौथा ऋतु हा क्षणोक्षणी मोहरे,

सैराट धावणारे वारे ,

चांदण रात्रीचे लुकलुकणारे शुभ्र कांती तारे...

मुले स्वप्नाच्या दुनियेत भुले,

साऱ्या जगाला खेळण करे ,

स्वच्छंदी पाखरू आपल्याच आकाशात भिरभिरे ,

यांच्यामुळे जीवनात आनंदाला उधाण आले ...

मुले दूधावरच्या सायीने रवाळ स्निग्ध ओले,

श्वासात सुगंध भरून वाहणारे,

निरागसता यांची प्रेमाला ओलीचिंब करे ,

यांचे ईश्वरास आवडे साकडफुले ...