लाइब्रेरी
प्रोफाइल
मुग्ध प्रेम
मुग्ध प्रेम
1 min
236
तिचं त्याच्यावर प्रेम असतं
पण त्याला ते माहित नसतं
टाकलेल्या प्रेमळ कटाक्षांचं
गणित समजलेलं नसतं
तिच्या प्रेमळ कौतुकाचं
त्याला स्पेशल अप्रुप नसतं
फोनवरच्या लाडिकपणाचं
गुपित समजलेलं नसतं
तिच्या अंतर्यामीचं प्रेम
ओठांवरच अडंत असतं
तिच्या नजरेच्या भाषेचं
गूढ समजलेलं नसतं
दिवस महिने वर्षं
असेच निघून जातात
मुग्ध प्रीतीच्या कळ्या
उमलायच्या राहतात
एका रम्य सकाळी
ती प्रसन्न हसल्यावर
चांदणं सांडतं
तिच्या हसण्याचं गुपित
त्याला समजतं
नजरानजरीनंतर
काँफी प्यायचं ठरतं
एकाच बैठकीत लग्न ठरुन
महिन्यात शुभमंगल होतं
