मृदगंध पावसाचा..!
मृदगंध पावसाचा..!
नभात दाटले काळे मेघ
काळ्या मेघाचा सुसाट वेग
सुसाट वेगाने मेघ धावती
मेघ धावती, प्रतीक्षेत मृदभेग..
धो-धो पडल्या पाऊसधारा
पाऊसधारा पडल्या धरणी
धरणीची लेकरे अनंत सारी
सुखावली मदमस्त मनोमनी..
पाण्याने व्याकुळलेली धरणी
धरणी भेगात झाली परिवर्तित
परिवर्तित मेघ कृपेने तृप्तरूपी
तृप्तरूपी धरणी अत्यानंदात..
नदी नाले ओहोळ जाती भरून
भरून येती पाण्याने विहिरी
विहिरीचे पाणी सहज घेण्या
घेण्याची मजाच खूप न्यारी..
शेतकरी राजा घेऊन सर्जा
खांद्यावरी नांगर घेऊनी
घेऊनी पालंदी च्या वाटे
वाटे चालला नवउमेदानी..
वाटे हवा मृदगंध पावसाचा
पावसाच्या रिमझिम धारा
धारा भिजवी अंग चिंबचिंब
चिंब अंगाला झोमे थंड वारा..