मराठीची दैना

मराठी घरात असतो दररोज

इंग्रजीचा सतत संचार

पाश्चात्य संस्कृतीने घालतात

मराठी शब्दांचा आचार

मायबोली मराठी आमची

मातृभाषा आहे अतिगोड

इंग्रजी शब्दांचा वापर होतो

मध्ये मध्ये बिनधास्त, सडेतोड

लाज वाटते आज अनेकांना

मराठी व मराठी शाळेची

भरमसाठ डोनेशन देऊन घाई

मुलांना इंग्रजी शाळेत घालण्याची

सकाळी उठल्या उठल्या म्हणते

बायको ओ माय डिअर

जणू तिच्या अंगात संचारतो

इंग्रजीतला शेक्सपिअर

पडत चालला विसर मराठीचा

आज मराठी माणसाला

परकिय भाषेचे अतिक्रमण

कारण ठरते ऱ्हासाला