महाराष्ट्र माझा

महाराष्ट्र माझा मी महाराष्ट्राचा

अभिमान मला इथे जन्मल्याचा

महाराष्ट्र भूमी अत्यंत पवित्र

गंध निराळा मराठी मातीचा

महाकांतार,महन्त बहुनावे

लाभला सामाजिक व सांस्कृतिक वारसा

प्राचीन मराठी इतिहासाचा

प्रत्यक्ष दर्शन देणारा आरसा

नांदती गुण्यागोविंदाने व प्रेमाने

सर्व जातीधर्माचे लोक

एकात्मता व अखंडतेचे दर्शन

घडवितात प्रत्यक्ष श्लोक

मातृभाषा मराठीसह आहे

प्रादेशिक भाषांना स्थान

अतिथींचा केला जातो

मनःपूर्वक ह्रदयपूर्वक सन्मान

गडकिल्ले व स्मारकातून होते

स्मरण थोर लढवय्यांचे

हिंदवी स्वराज्यासाठी बलिदान

देणाऱ्या महान योद्ध्यांचे

मातीच्या प्रत्येक कणाकणातून

सुगंध दरवळतो मराठीचा

संगम आहे या पावन भूमीत

सर्व पंथ व धर्मियांचा