मी आणि माझे स्वयंपाकघर

कोरोनाचा जगभर

असेल जरी कहर

पण या सुट्टयांत आला

माझ्या स्वयंपाकघरात बहर

रोज रोज नवे पदार्थ

पदार्थाची नाही वाण

मुलंही म्हणतात रोज रोज

मम्मी माझी छान

घातले उडीद तांदुळ भिजू

करायला घेतली इडली

त्याबरोबर सांबर रस्सेदार

अन् खोबर्‍या शेंगदाण्याची चटणी

म्हणती मुलं तरीही

सोबत हवी स्वीट डीश

बनविला पटकन बदामी शिरा

पूर्ण केली त्यांची विश

हल्ली रोज रोज सर्वांना

नवीन नवीन खाऊ वाटतंय

माझ्याही मनात मग नवीन

पाककलेचं भुत शिरतंय

आता उद्या बनविते श्रीखंडपुरी

तयारी मनात करुन ठेवली

मी आणि माझ्या स्वयंपाकघराला

जणू अन्नपूर्णामाता पावली