धुळवड

इंद्रधनुपरी रंगांची उधळण

गगनी पाहा किती झाली,

भास्कर प्रकट होताच

धुळवडीस सुरुवात झाली

राग-द्वेष-मत्सर-असूयेची

दाहकता करू रंगासवे अर्पण,

जीवनातील सुख-दुःख विसरून

शमवू आयुष्याचे रण

नको उधळण सप्तरंगी

उधळू नात्यातील रंग,

सर्व रंगाहूनी रंगीन वाटे

माणुसकीच्या धर्माचा रंग

रंगाला माहीत नसते

जात-धर्म-वेश-भाषा,

उधळणाऱ्या रंगासोबत

असावी प्रेमाची नशा

रंगात स्वच्छंदी भिजूनी

उठावे मनी रंगतरंग,

संकल्प धुळवडीचा करूया

राहावी आपली एकात्मता अभंग