शिवरायांची प्रेरणा

जन्मला जिजाऊंच्या पोटी

अनमोल हिरा नामे शिवराय 

अचाट पराक्रमाने झुकविले 

गनिमास असताना महाकाय

देऊनी युद्धनीतीचे प्रशिक्षण

बाळकडू जिजाऊंनी पाजले

हिंदवी स्वराज्यस्थापनेचे स्वप्न

साकार या इतिहासात गाजले

गड नि किल्ल्यांची डागडुजी

उभारले होते सशस्त्र आरमार 

नामोहरम गनिमी काव्याने केले

केले चढवुनी हल्लेही धुवाधार

कापले शत्रूचे मस्तक खड्गाने 

शत्रु स्त्रियांचाही केला सन्मान

केले अपराध्यांना योग्य शासन

गाऊया त्यांच्या कीर्तीचेच गान

घेऊनीच ही शिवरायांची प्रेरणा 

लढती सीमेवर आजही शूरवीर 

नतमस्तक होतो माथा आमचा

पाहूनी त्यांचा संयम आणि धीर