।। नवी पहाट ।।

राजा, तुझ्या दरबारी, मरतो कष्टकरी ,

जो करतो चोरी, तोच करतो शिरजोरी ।

नियमांचे उपासकच नियम मोडत असतात ,

स्पष्ट बोलणाऱ्यांवर उगाच ते रुसत असतात ।

वठणीवर त्यांना आणायला, पूढे कुणी येत नाही ,

घरात बसून म्हणतात ते, मी कुणाला भित नाही ।

आता हे बदलायला हवं, कुणी तरी बोलायला हवं ,

बदल हवा असल्यास, घराबाहेर पडायला हवं ।

नाक मुठीत घेवून, जगावं तरी कुठवर ,

बंड करूनही मिळेलच, पोटापुरती भाकर ।

म्हणून आता उठा, घरात खितपत बसु नका ,

बदलत असलेल्या काळाला, पाठ दाखवू नका ।

बदलत्या काळात, सोडावी जुनी मळवाट ,

रात्रीच्या गर्भातुन, उगवते नवी पहाट ।