गे माय भू

माय भू भारतदेशा तुझ्या

ऋणांत राहील मी मरेपर्यंत |

तुझ्या उपकारांची जाणीव मज

देशसेवा अंतिम श्वास सरेपर्यंत | |१| |

माझ्या या शब्दांनी मी वाहीन

सुमनांजली प्रीतिची सदैव तुला |

तुच माझी भारत माता माय-भू

हा जन्मच तव चरणी मी वाहिला | |२| |

तुझ्या मातीचा शोभे मज भाळी ओ

सुंदर टिळा जाता समरांगणी |

बोलतो जय हिंद जय भारत माते 

शोभते तुच जगाच्या नभांगणी | |३| |

माय भू पून्हा जन्म मिळावा

नागरिकाचा भारत देशामध्ये |

भिनली नसानसात देशभक्ती

संचारते रक्त लढण्यास त्वेषामध्ये ||४||