सुखी जीवनाचे सूत्र

क्षणभंगूर जीवन जगतांना

मनी ठेवावे चांगले भाव

आयुष्यात प्रत्येक क्षणी

निराशेचा असावा अभाव.....१

पाहतांना प्रत्येक बाबींकडे

ठेवावी सकारात्मक दृष्टि

ह्रदयातील आनंदानें जणू

जाणवेल बहारदार सृष्टी.....२

आहार विचार आचारावर

सदोदित हवे नियंत्रण

मन,शरीर व बुद्धीला द्यावे

ज्ञानवर्धक खुराकीचे आमंत्रण.....३

समाजात वावरताना नेहमी

माणुसकीनेच वागावे

चांगले वर्तन व आचरणाने

प्रत्येकाच्या मुखी नाव निघावे.....४

सुखी जीवनाचे सूत्र

नेतात मानवाला विकासाकडे

वेळच येणार नाही कधी

घालायची कुणालाही साकडे.....५