पुस्तक

अरे, कोण आहे मी?

तू मला नाही ओळखलं?

मी पुस्तक, तुझा मित्र-सखा

बोट धरून तुला शिकवलं!

        नामनिराळं रूप माझं

        ज्ञान जगी मी पेरतो;

        पण मी दिलेले विचार

        तू कुठे दडवतो?

फाटलो, जीर्ण झालो तरी

भूत-भविष्याचा वेध घेतो;

"ग्रंथ हेचि गुरू" म्हणतो

तरी गैरकृत्य का करतो?

          नेहमी तुला साथ देतो

          ज्ञान देऊनी विज्ञान घडवतो;

          "गरज सरो वैद्य मरो" या

          म्हणीसम मला कोनाडी फेकतो

जे जे जवळ करी मला 

तयांना सन्मान मिळतो;

सद्गती न मिळे तयाला

जो माझा अव्हेर करतो!

          "वाचू आनंदे-राखू आनंदे"

          हेचि माझे तुला सांगणे;

          "वाचाल तर वाचाल" येणेप्रमाणे

           असावे तुझे जगणे...