मजेशीर लॉकडाऊन

आले आले लॉकडाऊन

शिक्षा घरात बसायची

आमच्या घरी मात्र 

मजा वात्रट मुलांची 

चुलत मामेभाऊ होते

आधीच स्थानापन्न

लॉकडाऊनमुळे

हलायची नव्हती चिन्हं

रोज नव्या नाष्ट्याची

फर्माईश यायची

पुरवता पुरवता

आई बेजार व्हायची

पत्ते कँरमचा दंगा

विचारुच नका

ओरडाआरडा करुन

मारला ह्यांनी डंका

कामात मदत करताना

दूधात ताक मिसळले

आईला समजावताना

माझ्या नाकी नव आले

बिचारी आई करुन करुन

चक्कर येऊन पडली

मग मात्र वानरसेना

माझ्या मदतीला धावली

ओटाभर पसारा करुन

कसाबसा स्वयंपाक केला

पोरांनी जेवणानंतर मात्र 

आरामात सिनेमा लावलेला

ढकलगाडी कशीतरी

मायलेकींनी रेटली

जाताना भाऊरायांनी

दणक्या भाऊबीज घातली