मी व्हावी माझीच प्रेरणा

रोजच नवा ध्यास घेऊन पाहते

प्रत्येक दिवस काही नवीन करते

नित्य नियमाने अवलंबली धारणा

रोजच मी व्हावी माझीच प्रेरणा

मीच बळ देते माझ्या पंखांना

भरारी देते उमलत्या स्वप्नांना

प्रयत्नांत नाही कुठेही कुचबंना

रोजच मी व्हावी माझीच प्रेरणा

अशक्य गोष्टी शक्यच करायच्या

नकारात्मक भावना लांब ठेवायच्या

रोजच वेचायच्या सुखद घटना

रोजच मी व्हावी माझीच प्रेरणा

मानलं मनापासुन तर आहे सुख

नाहीतर दिसत सुखात पण दुःख

करते प्रयत्न रमवणया माझ्या मना

रोजच मी व्हावी माझीच प्रेरणा

आलेच मरण अचानक समोर कधीही

ना व्हावी त्याची अवहेलना तेव्हाही

हसत मुखाने जाईन मी त्या दिवशीही

तेव्हा ही मी व्हावी माझीच प्रेरणा

तेव्हा ही मी व्हावी माझीच प्रेरणा