अजून स्वाभिमान जाज्वल्य आहे

सरत्या काळाची गती का मोजावी..

तारुण्य तुझे आज जर तुझ्या हाताशी ,

दुःखांची सरीता ओढ घेते कुठे बघ

समुद्र सदा तेथे आनंदाचा उपाशी !

ठाम रहायचे आहोत फक्त तेथे..

बदलून मार्ग संकट अवचित जाई ,

का कुणास ठाऊक कोणत्या वेळी

फुलेल कधीतरी सुखाची जुई !

झाकल्या असतील वाटा यशाच्या..

नको तडफडू उगा राई-राई ,

अजून स्वाभिमान जाज्वल्य आहे

उजळून निघेल अंधारलेली वनराई !

का माणसा तरी तुला विश्वास नाही..

कथेतली गोष्ट मनी पिंगा घाली ,

राजा लढतो शेवटपर्यंत कायम 

नसतो त्यास कुणी रखवाला.. वाली !

जगावे कसे कुणास ठाऊक नाही..

आजन्म तरीही मग व्हावी त्राही..त्राही ,

प्रखर असावी जिद्द मनाची ,

नको उसन्या तळपत्या बिनधारी तलवारी !