तिच्या वेदना
तिच्या वेदना
बोथट झालेल्या वेदनेतून...
जेव्हा निघते शब्दांची धार ,
शब्दनशब्द कापत जातात
काळजातल्या संवेदनांची तार !
वरपांगी हसण्यात घालवलेले प्रसंग..
आत भावनांचा उद्रेक अन् जाळ ,
ओठांवर आलेले जीवघेणे शब्द पुन्हा
पुन्हा येतो..त्यांना अडवायचा काळ !
कुणी असो नसो सोबतीला..
उरून पुरतात आपल्यांचेच शब्द बाण ,
अन् पुन्हा सुरु होते हृदयात धडधड
मेंदूने ती चेहर्यावर दाखवू नये शान !